Eyrún Edda Hjörleifsdóttir slær aftur í gegn í strákagenginu með Geimstúlkunni
Jósefínu og örlagasultunni.
Skilaboðin í sögunni eru þau að sérhver
lífvera í þessum heimi á sér sína örlagasultu.
Það er bara svo rosalega sjaldgæft að
einhver finni sína eigin sultu. Geimstúlkan
Jósefína er búin að finna sína og með henni
getur hún stjórnað eigin örlögum en eigandi
sultunnar, æðstiprestur sultusöfnuðarins er á
hælunum á henni.
Þórarinn Hugleikur Dagsson stígur sín fyrstu skref á myndasöguferlinum með
Koto-Mata geimfaranum ógurlega og hvíta skrímslinu. Hér er fyrsta útgefna saga vinsælasta myndasöguhöfundur Íslands hvorki meira né minna. Söguþráður er eftirfarandi: Dag einn ákveður Koto-Mata að skreppa aðeins til plánetunnar Mysuhús. Þar
hafði hann ætlað sér að græða pening með því aðfinna og tortíma hinu alræmda Hvíta skrímsli. Síðustu misseri hafði þetta skrímsli hrellt mysuhúslendinga með því að borða
börn þeirra og pissa í grautinn þeirra. Aðgerðin fer ekki alveg eftir áætlun.
Hitna fer í kolunum í ævintýrasögu Jan Pozok
Úrg Ala Buks Unum. Allt virðist ganga
samvkæmt illum ráðum Gunnars. Hann
hefur nú Sóldísi á valdi sínu en í hennar stað
situr tröllskessa sem hefur dulbúið sig sem
eftirmynd hennar hjá Sigurði Hinriki en hann
er ekki alveg að skilja þessa umbreytingu
sem orðið hefur á henni. Stórar og feitar
tröllskessur þurfa hins vegar góða næringu
og brátt fara menn að týna tölunni í kastalanum.
Þorsteinn S. Guðjónsson birtir að hans eigin mati sína best heppnuðu myndagsögu Tölvuvírus. Aðalsöguhetjan, Jón blaðamaður lætur verða af því að fjárfesta í einkatölvu til að taka þátt í tækniþróun samfélagsins og upplýsinga-byltingu Internetsins. En aðgát skal höfð í nærveru skjás og veirurnar á netinu geta verið varasamar í meira lagi.
Lygin er lævís og lipur og til í mörgum útgáfum.
Kvartanir Kjartans: LYGI eftir Kjartan Arnórsson
varpa skýru ljósi á lygina. Hér er henni gerð góð skil og
mismunandi stig hennar útlistuð á skýran hátt til
upplýsingar fyrir lesendur.
Myndasaga á bakhlið Einvígi er eftir teiknarann Zlatko Milenkovic. Þegar blaðið kemur
út hefur geysað borgara-styrjöld í fyrrverandi Júgóslavíu heimalandi Zlatkos og Nato búið
að bæta um betur með sprengjuárásum. Lífsreynslan af þessum hörmungum hafa sett
varanlegt mark á listamanninn. Þessi saga fjallar um það þegar tveir stríðsherrar standa
auglitis til auglitis í einvígi. Í þeirra huga getur útkoman orðið
aðeins ein.
