Hrafn Arnórsson
Hrafn Arnórsson var síteiknandi krakki.
Ásamt systkinum sínum teiknaði
hann út heilu staflana af auðum blöðum jafnóðum og faðir hans bar þá í
hús.
Í menntaskóla gaf Hrafn út eigið tímarit með eigin
teiknimyndasögum þar sem aðalpersónan var allt annað en friðsöm eða
kurteis.
Í háskóla lærði Hrafn eðlisfræði og verkfræði. Eina myndasagan hans ber þess merki og er sú aleðlisfræðinördalegasta sem hann
hefur gert. Jafnvel þeim sem hafa lesið eðlisfræði finnst húmorinn
sennilega langsóttur - sem er einmitt meiningin.
Þó má greina vissa
sameiginlega drætti í öðrum myndasögum Hrafns, svo sem hrifningu á
hinu fáránlega og hinu sjokkerandi. Hrafn teiknar sjaldan nútildags,
en áskilur sér rétt til að grípa til þess hvenær sem honum finnst
þjóðfélagið vera orðið of værukært. |