Fyrir tveimur árum steig Fannar Gilbertsson sín fyrstu skref sem myndasöguteiknari með útgáfu á fyrstu myndasögubók sinni GEN-01. Frábær bók sem segir frá kolklikkuðum vísindamanni sem vill stjórna heiminum með hjálp ofursterks náunga sem er sýktur af Gen-01 vírusnum. Bókin vakti verðskuldaða athygli og var vel tekið af myndasöguáhugamönnum. Ekki leið á löngu þangað til upprennandi rithöfundur, Gunnar Birgisson, hafði samband við hann og bauð honum starf við að teikna höfundarverk sitt. Fannar var ekki lengi að slá til og hóf strax að teikna þetta nýja ævintýri. Bókin Huldufólk er loks komin út. Alíslenskar myndasögubækur eru svo sjaldséðar á markaðnum að það er alltaf fagnaðarefni þegar það gerist. Ekki nóg með það því að sagan gerist líka á Íslandi.
Við erum stödd árið 2061 og það er ekki sjón að sjá höfuðborg Íslands eftir loftslagsbreytingarnar. Niðurníðslan er ríkjandi og Reykjavík virðist vera komin í hóp stærstu höfuðborga heims þar sem er ekki gott að vera á ferli að kvöldi til. Tveir vélhjólagæjar brjótast inn í stórt fyrirtæki til að stela dularfullum kassa. Þeir forða sér með ránsfenginn og hjóla á miklum hraða í gegnum borgina á leynilegan stað. Það kemur í ljós að þeir eru hluti af stærra gengi sem verður að koma kassanum í hendur annars hóps sem felur sig á öruggum stað í Hvalfjarðarsveit. Ránið er auðvitað ekki að skapi forstjóra fyrirtækisins og hann kallar útsendara til að ná eign sinni aftur. En það fer ekki allt eins og ætlað var og krakkarnir í hópnum þurfa að slást við vel vopnaða atvinnumenn sem svífast einskis til að fylgja skipunum forstjórans um að ná kassanum aftur. En hvað er í þessum kassa sem er svo verðmætt? Lesandinn fær ekki að vita það fyrr en í lok sögunnar ...
Samstarf Gunnars og Fannars tekst frábærlega og Huldufólk er góð sakamálaafþreying. En báðir tveir ætla ekki að láta staðar numið hér og eru nú þegar að leggja drög að nýrri sögu. Spennandi!

Baráttuna um arfinn er kannski óþarfi að kynna. En loksins prýðir bókin upprunalega kápu. Iðunn bókaútgáfa var í samprent við danska útgáfu og notaði sömu kápu sem Danskur teiknari, Peter Madsen hafði gert. Útlitslega má geta þess að útgáfa Frosks er litríkari, pappírinn betri og svo auðvitað hefur sagan verið þýdd upp á nýtt. Þarna er á ferð bók sem safnarar mega ekki láta fram hjá sér fara og það mun koma síðar í ljós hvers vegna, það er þegar Froskur klárar útgáfu Sval og Val seríuna.

Innbundin 62 síður

Viggó lætur ekki illa, hann er sá einstaklingur sem gefur lífinu lít.

Lotta notar töframátt sinn til að komast inn fyrir ósýnilegan skjöld Hálendinga sem verndar ættbálkinn gegn alls kyns hættum. Með henni í för eru Sonja og Björn sem komast loksins á leiðarenda til dularfulla Hálendingaættbálksins. Hálendingarnir eru þekktir fyrir töfrakunnáttu sína og vinsemd, en Ravnda, leiðtogi þeirra geymir fjölskylduleyndarmál um krákasysturnar þrjár og örlög þeirra sem hafði djúp áhrif á uppeldi Lottu. Sonja er ráðvillt en ætlar að einbeita sér að því að finna frænda sinn Henrik, en til þess þarf hún hjálp Aspar sem féll í gjá eftir að hafa lent í slagsmálum við tröllið Þrym.

Fyrsta Ástríks ævintýri. Fjöldi skrautlegir Gallvaskir þorsbúar koma við sögu og eiga eftir að skemmta lesendur um ókomna tíð.
Það er árið 50 f.kr. Rómverjar hafa hertekið gervalla Gallíu … en ekki alveg alla. Eitt lítið þorp við strandlengjuna veitir innrásarhernum kröftuga mótspyrnu.
Sagan hefur fengið andlitslyftingu í lit og texta.